عوامی مسئلے حل کرن لئی سرکار دے نال رل کے چلن نوں تیار آں، شیری رحمان دی پیشکش
اسلام آباد: پیپلزپارٹی دی رہنما سینیٹر شیری رحمان نے عوامی مسئلیاں دے حل لئی سرکار دا ساتھ دین دی پیشکش کیتی اے۔
سینیٹر شیری رحمان آکھیا غریب عوام دے مسئلے اجے تک ایجنڈے تے نہیں آئے۔
ملکی معاشی صورتحال وی گھمبیر اے۔ کرنٹ اکاؤنٹ خسارہ وچ کمی تے معاشی بحران نوں ٹھیک کرنا اے۔
آئی ایم ایف نے مہنگائی گھٹ کرن دی تجاویز نہیں دینی، حکومت نوں چاہیدا اے کہ مہنگائی توں عوام نوں کڈھن لئی تجاویز لیاؤ۔ پیپلزپارٹی رہنما آکھیا ساڈا کم ایہ وی اے غریب عوام دا مقدمہ لڑو۔
اپوزیشن عوامی مسئلیاں دے حل لئی سرکار دے نال سارے معاملات تے نال چلن لئی تیار اے۔
