مینوں بلاول دیاں بوہت ساریاں گلاں اُتے ھنسی آندی اے،شاہ محمودقریشی

اسلام آباد (پنجابی میڈیا گروپ) وزیر خارجہ مخدوم شاہ محمود قریشی نے اک وار فیر واضح کیتا اے کہ اسیں لڑائی نہیں چاہندے،کسی ممبر نوں ووٹ داحق استعمال کرن توں نہیں روکاں گے، اسیں عدم اعتماد دا مقابلہ آئینی طریقے نال کراں گے، مینوں بلاول دیاں بوہت ساریاں گلاں اُتے ھنسی آندی اے، ویلے دے نال نال سِکھ جان گے،او آئی سی وزیراں دی خارجہ کونسل دااجلاس آج منگل توں شروع ہوئے گا ، وزیراعظم کلیدی خطاب کرن گے ، اجلاس وچ اُمت نوں درپیش سلگدے ہوئے ایشواں اُتے بحث ہوئے گی،100توں ودھ قرارداداں زیر بحث آن گیاں۔او آئی سی وزیراں دی خارجہ کونسل دے 48 ویں اجلاس تے ملکی سیاسی صورتحال اُتے اپنے بیان وچ اوہناں نے آکھیاکہ او آئی سی اجلاس دیاں تیاریاں مکمل ہوچکیاں نیں۔اوہناں نے آکھیاکہ چین دے وزیرخارجہ بطورمہمان خصوصی اج تشریف لیا رہے نیں، مصر دے وزیرخارجہ تشریف لیا چکے نیں۔