دکی: مٹی دا تودہ ڈگن نال 3بھراواں سنے چار کان کن جاں بحق
کوئٹہ: بلوچستان دے ڈسٹرکٹ دکی وچ انتہائی افسوسناک حادثہ ہویا اے جتھے مٹی دا تودہ ڈگن نال چار کان کن جاں بحق ہو گئے نیں، ایہناں وچ تن سگے بھرا وی شامل نیں۔
ریسکیو ٹیماں تے مقامی کوئلہ کان کناں نے اپنی مدد آپ دے تحت لاشاں کڈھ کے ہسپتال منتقل کیتیاں۔ اسسٹنٹ مائنز انسپکٹر دوست ناصر نے حادثے دی تفصیلات دسدیاں آکھیا جاں بحق بندیاں دا تعلق مسلم باغ توں اے۔
اودھر لیویز حکام دا کہنا اے مٹی دے تودے تھلے دبن والے کان کناں دیاں لاشاں پنج گھنٹے دے بعد کڈھی گئیاں۔
