نویں پاکستان دے سارے لبادے کھولاں گا: عبدالعلیم خان دی للکار

لہور(پنجابی میڈیا گروپ)سابق صوبائی وزیر عبد العلیم خان نے آکھیا اے کہ عمران خان نے پی ٹی آئی لئی میرے توں ادھی قربانی وی دتی ہووے تے وکھان ۔ نویں پاکستان دے سارے لبادے کھولاں گا،خان صاحب سچے نیں تے میرے نال بیٹھ کے مقابلہ کرن ۔نیوز کانفرنس دے دوران عبد العلیم خان نے آکھیا کہ 2011 توں عمران خان دا ساتھ دینا شروع کیتا، 2011 دے بعد کوشش کیتی تحریک انصاف تے کوئی بوجھ نہ پوے، 2011 وچ عمران خان،میاں محمود الرشید میرے گھرآئے، مینوں آکھیا گیا کہ ایہ جلسہ تساں کرانا ے۔ اپنے وسائل نال سب کجھ کیتا، جہانگیر ترین نے وی ایس حوالے نال بہت مدد کیتی۔ 2018 وچ ایم پی اے دی سیٹ جتیا۔ 2007 توں لے کے 2018 تک ایم پی اے، وزیر نہیں سی، خان صاحب جے تساں عثمان بزدار نوں وزیراعلی بنانا سی تے مینوں نیب وچ بھیجن دی کیہ ضرورت سی؟ اوہناں نے آکھیا کہ 2018 تک عمران خان دا نویں پاکستان لئی ساتھ دتا، کسے تے احسان نہیں کیتا نویں پاکستان وچ اپنا حصہ پایا ، لہور شہر وچ میرا کاروبار سی فیر وی حکومت دے خلاف کھڑا ہویا، لہور شہر وچ کسے کاروباری آدمی لئی حکومت دی مخالفت کرنا آسان نہیں، دھرن دے دوران 126 دن اسلام آباد رہیا، ڈیزل پواندا، کھانا خود پہنچاندا رہیا ، اج لوکاں توں سننا ہاں علیم خان نے غداری کیتی؟ اوہناں توں پچھنا ہاں کسے نے میرے توں ادھی قربانی دتی ہووے تے اوہدا ناں دسو ؟۔