یقین اے کہ عدالت آئین دا سر اُچا کرے گی،مصدق ملک

اسلام آباد(پنجابی میڈیا گروپ)پاکستان مسلم لیگ(ن)دے رہنما مصدق ملک نے آکھیا اے کہ یقین اے کہ عدالت آئین دا سر اُچا کرے گی ،مدینہ دی ریاست دا کہندے رہے تے کروڑاں روپے دے سونے دا گھپلا کیتا گیا،توشہ خانہ توں کیہ کیہ لیا سی تے کیہ کیہ ویچیا سی،فرح ارباں روپے لے کے کیتھے گئی۔میڈیا نال گل بات کردیاں ہویاں اوہناں نے آکھیاکہ یقین اے کہ عدالت آئین دا سر اُچاکرے گی۔اوہناں نے آکھیاکہ عمران خان دا فارمولا اے جیہڑے میرے نال نیں اوہ سہی نیں جیہڑے خلاف نیں اوہ غدار نیں،اک دفعہ پہلاں وی ہویا سی جیہڑا ووٹ پائے اوہ سہی جیہڑا نہ پائے اوہ کافر۔اوہناں نے آکھیاکہ پی ٹی آئی والے اگر سفیراں نوں ملن تے اوہ وفادار اے،2018 وچ اک روپیہ چلیا تے اج پچپن پیسے دا ہوگیا اے،اج185روپے داڈالر ہو گیااے۔