عمران خان سبھ توں ودھ کرپٹ تے کرپشن دا سرپرست اے،خواجہ آصف

اسلام آباد(پنجابی میڈیا گروپ)پاکستان مسلم لیگ(ن)دے رہنما خواجہ آصف نے آکھیا اے کہ اسمبلی وچ اقلیت نے اکثریت نوں روند دِتا،جناں نے قنون تے آئین توڑن وچ اعانت کیتی اوہناں اُتے آرٹیکل6لگے گا،عمران خان تے اوہناں دے گھر ولیاں سنے سبھ قنون دا ساہمنا کرن گے،عمران خان سبھ توں ودھ کرپشن تے ڈکیتیاں کردا رہیا اے،عمران خان اوہناں 40چوراں دا علی بابا اے،علیم خان نے عمران خان تے اوہناں دی بیگم اُتے سنگین الزم لائے،ویل دور نہیں بزدار اوہناں دے خلاف وعدہ معاف گواہ بنے گا،عمران خان سبھ توںودھ کرپٹ تے کرپشن دا سرپرست اے،اوس نے کرپشن دا میٹر چالو رکھن لئی پارلیمنٹ نوں پامال کیتا،بزدار مال اکٹھا کرکے کجھ آپ وی رکھ لیندا سی۔منگل نوں(ن)لیگ دی رہنما مریم اورنگزیب دے ہمراہ میڈیا نال گل بات کردیاں ہویاں خواجہ آصف نے آکھیاکہ پچھلے دناں علیم خان نے دسیا اے کہ عمران خان تے اوہناں دی گھر والی نے مال اکھٹا کیتا،بزدار مال اکٹھا کرکے کجھ آپ وی رکھ لیندا سی۔