اسیں عمران خان دی حکومت توں نجات حاصل کرن وچ کامیاب ہو گئے ہاں،بلاول بھٹو

کراچی( پنجابی میڈیا گروپ)پاکستان پیپلزپارٹی دے چیئرمین بلاول بھٹو زرداری نے آکھیا اے کہ پاکستان وچ ایس ویلے اک ایسے نظام دی ضرورت اے کہ جیتھے غیر جمہوری حکومت اقتدار وچ نہ آسکے۔چیئرمین پیپلزپارٹی بلاول بھٹو زرداری نے اپنے اک پیغام وچ عمران خان ولوں چُکے جان والے اقدامات اُتے گل بات کردیاں ہویاں آکھیاکہ عمران خان نے پاکستان دے آئین نوں اگ لائی اے لیکن اسیں اوہناں دی بغاوت دا سامنا کرن لئی تیار ہاں۔اوہناں نے آکھیاکہ اسیں عمران خان دی حکومت توں نجات حاصل کرن وچ کامیاب ہو گئے ہاں۔بلاول بھٹو نے آکھیا کہ پاکستان وچ مضبوط نظام لیان لئی ساہنوں اصلاحات دی ضرورت اے تے ایسے نظام دی ضرورت اے جیتھے غیر جمہوری حکومت اقتدار وچ نہ آسکے۔