اسپیکر دی رولنگ دے خلاف سپریم کورٹ دا فیصلہ عالمی میڈیا اُتے وی چھایا رہیا
اسلام آباد(پنجابی میڈیا گروپ) قومی اسمبلی وچ ڈپٹی اسپیکر قاسم خان سوری دی رولنگ دے خلاف سپریم کورٹ دے فیصلے دا پاکستان سنے عالمی میڈیا وچ وی خاصا چرچا رہیا ۔ غیر ملکی اخباراں تے جرائد نے جیتھے عدالتی فیصلے نوں پاکستان دی سیاست وچ حیرت انگیز موڑ قرار دتا اوتھے عالمی ذرائع ابلاغ وچ وی سپریم کورٹ دے فیصلے نوںشہ سرخیاں وچ جگہ دتی گئی۔عالمی ذرائع ابلاغ وچ آکھیا گیا کہ عمران خان نے ملک وچ امریکا مخالف جذبات نوں استعمال کرن دی کوشش کیتی،آئندہ الیکشن عمران خان دی سیاست اُتے ریفرنڈم ثابت ہون گے، عالمی میڈیا نے عدالتی فیصلے نوں عمران خان لئی وڈا دھچکا قراردتا اے۔
