جدوجہد تے ہن شروع ہوئی،عمران خان دے نال نکلاں گا‘اسد قیصر

لہور(پنجابی میڈیا گروپ) سابق سپیکر قومی اسمبلی اسد قیصر نے آکھیااے کہ جدوجہد تے ہن شروع ہوئی اے،اسیں لمبی اننگز کھیڈنی اے ایہ میرا تھن اے،پورے ملک وچ جلسیاںداشیڈول ترتیب دتاجارہیا اے تے میں عمران خان دے نال ملک دے کونے کونے وچ جاواں گا تے اسیں اپنی عوام نوں کھڑا کراں گے۔اپنے ویڈیو پیغام وچ سابق سپیکر قومی اسمبلی اسد قیصر نے آکھیا کہ جدوں دی تحریک انصاف وجود وچ آئی میں اوس ویلے دا عمران خان دے نال ہاں،اسیں چنگے،برے دن اکٹھے ویکھے نیں،اسیں الیکشن وچ گئے تے شکست کھادی لیکن اپنے لیڈر عمران خان نال کھڑے رہے۔عمران خان نال کھڑے رہن دی اک ای وجہ اے کہ اوہ پاکستان نوں اسلامک ماڈرن ویلفیئر اسٹیٹ بنانا چاہندے ہاں،اوہ اینج دا خود مختار ملک چاہندے نیں جس نوں کوئی طاقت ڈکٹیشن نہ دیوے،پاکستان اپنی پالیسیاں وچ آزاد ہوئے ، پاکستان اپنی مفادات دے مطابق پالیسی بنائے اوسدی اپنی آزاد خارجہ پالیسی ہوئے گی۔