نواز شریف اُتے بنے ہوئے کیس قنون دے مطابق ویکھے جان گے،شہباز شریف

اسلام آباد( پنجابی میڈیا گروپ)مسلم لیگ(ن)دے صدر شہباز شریف نے آکھیا اے کہ نواز شریف اُتے بنے ہوئے کیس قنون دے مطابق ویکھے جان گے۔اپوزیشن دے نامزد وزیراعظم شہباز شریف نے میڈیا نال غیر رسمی گل بات کردیاں ہویاں آکھیا کہ بھارت دے نال امن دے خواہاں نیں،مسئلہ کشمیر دے حل توں بغیر امن ممکن نہیں،قومی ہم آہنگی میری پہلی ترجیح اے۔اوہناں نے آکھیا کہ نویں کابینہ دی تشکیل اپوزیشن رہنماواں دی مشاورت نال ہوئے گی،کوشش ہوئے گی کہ ملکی معیشت بہتر کرکے عوام نوں ریلیف دے سکیئے،ملک وچ نویں دور دا آغاز کراں گے،باہمی احترام نوں فروغ دیاں گے۔ صحافی نے سوال کیتا کہ میاں نواز شریف کدوں واپس آون گے تے اوہناں دے کیساں دا کیہ بنے گا؟جس اُتے شہباز شریف نے آکھیا کہ میاں نواز شریف دے کیس قنون دے مطابق ویکھے جاون گے۔ایس توں پہلاں شہباز شریف نے اپنے ٹویٹ وچ آکھیاکہ اللہ تعالی نے رمضان دے مبارک مہینے وچ ایس قوم اُتے اپنی خصوصی رحمت نازل فرمائی،الحمدللہ،وطن عزیز تے پارلیمنٹ داایوان آخر شب اک سنگین بحران توں آزاد ہویا،پاکستانی قوم نوں اک نویں سحر تے سحری مبارک ہوئے،اللہ تعالی،پاکستان تے تہاڈے ساریاں دا حامی و ناصر ہوئے،آمین