ترکی دا صدر رتے نریندر مودی دی شہباز شریف نوں وزیراعظم بنن اُتے مبارکباد

اسلام آباد(پنجابی میڈیا گروپ) ترکی دے صدر رجب طیب اردگان تے بھارتی وزیراعظم نریندر مودی نے پاکستان دے نومنتخب وزیراعظم میاں شہباز شریف نوں مبارکباد دتی اے۔پاکستان مسلم لیگ(ن)دے صدر شہباز شریف نوں پاکستان دا23واں وزیراعظم منتخب کرلیا گیا جس توں بعد مبارکباداں دا سلسلہ جاری اے،ایسی تناظر وچ ترکی دے صدر رجب طیب اردگان نے شہباز شریف نوں ٹیلی فون کرکے مبارکباد دتی تے آکھیاکہ تہانوں وزیراعظم بنن اُتے مبارک ہوئے۔صدر اردگان نے آکھیا کہ یقین اے کہ تہاڈی قیادت وچ پاکستان تے ترکی دے برادرانہ تعلقات ہور مضبوط ہون گے،پاکستان تے ترکی با اعتماد بھرا نیں،دوناں دے تعلقات ہور مضبوط ہونے چاہیدے نیں۔وزیراعظم شہبازشریف نے ٹیلی فون کرن تے مبارکباد اُتے صدر اردگان دا شکریہ ادا کردیاں ہویاں نیک تمنا دا اظہار کیتا۔