اسیں انتقام نہیں لاں گے لیکن احتساب ضرور ہوئے گا:مریم نواز
اسلام آباد( پنجابی میڈیا گروپ)پاکستان مسلم لیگ(ن)دی نائب صدر مریم نواز نے آکھیا اے کہ اسیں انتقام نہیں لاں گے لیکن احتساب ضرور ہوئے گا۔قومی اسمبلی آن اُتے میڈیا نال غیر رسمی گل بات کردیاں ہویاں مسلم لیگ(ن)دی نائب صدر مریم نواز دا کہنا سی کہ اللہ نے22کروڑ عوام دی جان نااہل حکومت توں چھڑائی اے،اجے شہبازشریف وزیراعظم نہیں بنے لیکن اسٹاک مارکیٹ اُتے جارہی اے،روپیہ وی تگڑا ہو گیا اے۔نائب صدر مسلم لیگ(ن)دا کہنا سی کہ اسیں انتقام نہیں لاں گے لیکن احتساب ضرور ہوئے گا،لہور توں بنی گالا تک مال گڈی جیہڑی چلدی سی اوس داحساب ضرور ہوئے گا،ایہ پرانی والی مسلم لیگ ن نہیں اے۔
