شہباز شریف تے اوہناں دی حکومت دے ساہمنے بوہت سارے چیلنجز نیں:بلاول

اسلام آباد( پنجابی میڈیا گروپ)پاکستان پیپلز پارٹی(پی پی پی) دے چیئرمین بلاول بھٹو زرداری نے آکھیا اے کہ شہباز شریف نوں وزیراعظم منتخب ہونے اُتے مبارکباد پیش کردا ہاں،وزیراعظم تے اوہناں دی حکومت دے ساہمنے بوہت سارے چیلنج نیں۔پاکستان مسلم لیگ(ن)دے صدر میاں شہباز شریف نوں ملک دا23واں وزیراعظم منتخب ہون اُتے مبارکباد دیندیاں ہویاں بلاول بھٹو زرداری نے آکھیا کہ شہباز شریف لئی ساریاں نیک خواہشاں دا اظہار کرداہاں،ساڈی کمٹمنٹ پوری ہو گئی۔اوہناں نے ہور آکھیا کہ اسیں جمہوری طریقے نال سلیکٹڈ وزیراعظم نوں ہٹایا،انتخابی اصلاحات،جمہوریت دی بحالی تے سبھ لئی خوشحالی ول جاواں گے۔