چینی باشندیاں دی جان لین والیاں نوں پھاہ لا دیاں گے:وزیراعظم

اسلام آباد(پنجابی میڈیا گروپ)وزیراعظم شہباز شریف نے آکھیا اے کہ چینی باشندیاں دی جان لین والیاں نوں پھاہ دیاںگے، پاکستان تے چین دے درمیان آہنی تعلقات اُتے حملہ ناقابل برداشت اے۔وزیراعظم نے اسلام آباد وچ چین دے سفارتخانے دا دورہ کیتا تے چین دی ناظم الامور پھینگ چنگ زو نال ملاقات کیتی،وفاقی وزیر احسن اقبال، وزیر اطلاعات مریم اورنگزیب، وزیر مملکت خارجہ حنا ربانی کھر تے وزیرداخلہ رانا ثنااللہ وی نال اے۔شہباز شریف نے چین دے صدر شی جن پنگ لئی خصوصی تعزیتی پیغام وی تحریر کیتا تے جامعہ کراچی وچ دھماکے اندر چینی باشندیاں دے جاں بحق ہون اُتے رنج و غم تے افسوس دااظہار کیتا۔ایس موقع اُتے وزیراعظم داکہنا سی کہ اپنے آئرن برادرزاُتے وحشیانہ حملے اُتے پاکستانی قوم صدمے تے غم دی حالت وچ اے،پورا پاکستان چین دی حکومت، عوام تے متاثرہ خانداناں نال دلی ہمدردی تے افسوس کردا اے،اَت گردی دے واقعے دی شدید لفظاں وچ مذمت کردے ہاں،