جنوبی وزیرستان: امن دشمناں دے خلاف لڑدیاں پاک فوج دے2جوان شہید
پنڈی( پنجابی میڈیا گروپ)خیبرپختونخوا وچ امن دشمناں دے خلاف لڑدیاں ہویاں پاک فوج دے2جوان شہید ہو گئے۔ پاک فوج دے شعبہ تعلقات عامہ(آئی ایس پی آر)ولوںجاری بیان دے مطابق خیبرپختونخوا دے ضلع جنوبی وزیرستان وچ اَت گرداں نے سکیورٹی فورسز اُتے فائرنگ کیتی۔ایس دوران سکیورٹی فورسز ولوں بھرپور جوابی کارروائی کیتی گئی۔بیان دے مطابق لڑائی دے دوران پاک فوج دے2جوان شہید ہو گئے۔شہید ہون والیاں وچ لانس نائیک عمر علی خان تے سپاہی محمد سراج الدین شامل نیں۔23ورھے داشہید سپاہی محمد سراج الدین دا تعلق ڈیرہ اسماعیل خان توں اے جدکہ26ورھے دا لانس نائیک شہید عمر علی خان دا تعلق بنوں توں اے۔آئی ایس پی آر دے مطابق علاقے وچ باقی ماندہ اَت گرداں دی تلاش لئی آپریشن جاری اے،پاک فوج اَت گردی دی لعنت نوں ختم کرن لئی پُرعزم اے،ساڈے سپاہیاں دیاں قربانیاں ساڈے عزم نوں ہور پختہ کردیاں نیں۔
