بابر اعظم ایس ویلے دُنیا دا بہترین بلے باز اے،ویٹوری

ولنگٹن(پنجابی میڈیا گروپ)سابق نیوزی لینڈ کپتان ڈینیئل ویٹوری نے پاکستان دے کپتان بابر اعظم نوں موجودہ دور دادُنیا دا بہترین بلے باز قرار دے دِتا اے۔اک انٹرویو وچ نیوزی لینڈ دے سابق اسپنر ڈینیئل ویٹوری نے آکھیا کہ کرکٹ دے وَکھ وَِکھ فارمیٹس بارے کہنا مشکل اے لیکن اجے بابر اعظم نوں آسٹریلیا دے خلاف سیریز توں بعد ویکھیا جائے تے بہترین فارم وچ نیں۔اوہناں نے آکھیاکہ پاکستان دے کپتان بابر اعظم ایس ویلے فارم وچ نیں تے اوہناں نے اپنی آخری5بین الاقوامی اننگز وچ50پلس سکور بنائے نیں،خاص گَل ایہ اے کہ اوہناں دی آخری پنجوں اننگز آسٹریلیا دے خلاف پاکستان وچ سَن تے بابر دی کارکردگی شاندار سی۔

اپنا تبصرہ گھلو