نواز شریف نے ہنگامی اجلاس لندن وچ سَدھ لیا

لندن(پنجابی میڈیا گروپ)پاکستان مسلم لیگ(ن)دے قائد میاں محمد نواز شریف نے پارٹی داہنگامی اجلاس لندن وچ سدھ لیا۔ذرائع دے مطابق وزیراعظم شہباز شریف(اج بدھ نوں لندن روانہ ہون گے،وفاقی کابینہ دے اراکاناں وچوں احسن اقبال تے مریم اورنگزیب وی اوہناں ہمراہ جان گے جدکہ شاہد خاقان پہلاں ہی لندن وچ موجود نیں۔ذرائع دے مطابق پارٹی قائد نواز شریف نوں کئی معملیاں اُتے تحفظات نیں تے ن لیگ کوئی وڈھا فیصلہ کرن جا رہی اے۔مسلم لیگ(ن)دے ذرائع دا کہنا اے کہ نواز شریف نے ویڈیو لنک اجلاس دی تجویز مسترد کردِتی سی۔ذرائع نے دَسیا کہ نواز شریف نے مرکزی قیادت نوں لندن اپڑن دی ہدایت جاری کیتی۔ذرائع دے مطابق پیٹرول دی قیمت بارے وی نواز شریف،اسحاق ڈار نال مشورہ کیتا جائے گا۔ذرائع نے دَسیا کہ آئندہ الیکشن تے پنجاب وچ کابینہ تے پاور شیئرنگ بارے وی پارٹی اجلاس وچ اہم فیصلے کیتے جان داامکان اے۔