مریم اورنگزیب نے عمران خان دے بیان نوں غنڈہ گردی قرار دے دِتا
اسلام آباد(پنجابی میڈیا گروپ)وزیر اطلاعات مریم اورنگزیب نے عمران خان دے بیان نوں آئین شکنی اُتے غنڈہ گردی قرار دیندیاں ہویاں آکھیا اے کہ آئین شکنی اُتے غنڈہ گردی کرن توں بعد آئین دے تقاضیاں اُتے عمران صاحب دی سیاسی منافقت اے؟کسے دھوکہ دے رہے نیں؟عمران صاحب نے قومی اسمبلی وچ جیہڑا شرمناک تماشا کیتا،اُوسی نوں پنجاب وچ دوہرایا،قومی اسمبلی وچ کیتی جان والی آئین شکنی تے غنڈہ گردی پنجاب وچ وی دوہرائی گئی،توہین عدالت دے مجرم عدالت توں نوٹس لین دیاں اپیلاں کس منہ نال کر رہے نیں؟ اپنے بیان وچ اوہناں نے آکھیا اے عمران صاحب نے قومی اسمبلی وچ جیہڑا شرمناک تماشا کیتا، اوسی نوں پنجاب وچ دوہرایا،قومی اسمبلی وچ کیتی جان والی آئین شکنی تے غنڈہ گردی پنجاب وچ وی دوہرائی گئی۔
