نیب نے فرح خان دے اثاثیاں،اکائونٹاں تے ٹرانزیکشناں دا ریکارڈ منگ لیا
لہور(پنجابی میڈیا گروپ)قومی احتساب بیورو(نیب)نے مختلف محکمیاں توں فرخ خان دے اثاثیاںداریکارڈ تے بینکاں توں اکائونٹ تے ٹرانزیکشناں دی تفصیل منگ لئی۔نجی ٹی وی دے مطابق سابقہ خاتون اول بشری بی بی دی نیڑے دی دوست فرح خان تے اوس دے شوہر دے خلاف آمدنی توں ودھ اثاثیاں دی انکوئری دے معاملے اُتے لہور نیب نے مختلف محکمیاں نوں فرخ خان دے اثاثیاںداریکارڈ فراہم کرن لئی مراسلے جاری کردِتے نیں۔ذرائع دا کہنا اے کہ نیب لہور نے مختلف ضلعیاں دے ڈپٹی کمشنر توں فرخ دی جائیداد دا ریکارڈ منگ لیا تے ایف بی آر،ایس ای سی پی تے ایکسائز ڈیپارٹمنٹ نوں وی مراسلے جاری کردِتے نیں۔
