سندھ نوں میں آصف زرداری توں آزاد کرانا اے: عمران خان

جہلم(پنجابی میڈیا گروپ)پاکستان تحریک انصاف (پی ٹی آئی) دے چیئر مین تے سابق وزیراعظم عمران خان نے آکھیا اے کہ سندھ نوں آصف زرداری توں آزاد کرانا اے۔جہلم وچ پی ٹی آئی دے جلسے نال خطاب کردیاں ہویاں سابق وزیراعظم نے آکھیا کہ لوکاں دا جذبہ ویکھ کے تہاڈا شکریہ ادا کرنا ہاں ، جلسے وچ پارٹی جھنڈے توں زیادہ پاکستان دا جھنڈا لے کے آئون ، بہت گھٹ اِنج ہندا اے کہ ساری قوم اکٹھی ہوجائے، ساری قوم نے ازادی دی جنگ لڑن دا فیصلہ کیتا اے، کدی اینے وڈے جلسے نہیں ویکھے، جہلم وچ انج دا جلسہ پہلاں کدی نہیں ویکھیا جلسے پہلے نہیں ویکھیا۔اوہناں نے آکھیا کہ اللہ نے ساڈے اُتے خاص کرن کیتا اے ، اک پلان انسان، دوسرا اللہ بناندا اے ، امریکی انڈرسیکرٹری ڈونلڈ لو ساڈے سفیر نوں تکبر وچ بلا کے حکم دیندا اے ، سفیر نوں تکبرانہ انداز وچ آکھیا گیا جے عمران خان نہ ہٹایا تے بڑا مشکل وقت آئے گا، مینوں ہٹا کے چیری بلاسم نوں لے آئے تے سب کجھ معاف کر دتا جائے گا، میر جعفر، میر صادق سازش وچ ملوث سن، 22کروڑعوام دے وزیراعظم نوںسازش راہیں کڈھیا گیا۔عمران خان نے آکھیا کہ30 سال توں ملک لٹن والے وڈے ڈاکوواں نوں مسلط کیتا گیا، اللہ نے کرم کیتا قوم نوں بیدار کر دتا، پاکستان کلمے دی بنیاد تے بنیا سی اللہ نے قوم دی خودداری نوں جگا دتا، اللہ دا جناں وی شکرادا کریے گھٹ اے ، ساڈی خودداری نوں کرپٹ، غدارلیڈراں نے ختم کر دتا سی ، ایہناں وچ خود داری غیرت نہیں سی، اوہناں نے قوم دی غیرت نوں وی نقصان اپڑایا ، ، 26سال توں قوم دی خودداری جگان دی کوشش کررہیا ساں ۔اوہناں دا کہنا سی کہ علامہ اقبال نے آکھیا سی ’’اُس رزق توں موت اچھی جس رزق سے آئی ہو پرواز میں کوتاہی‘‘، چیری بلاسم بوٹ پالش نوں قوم تے بٹھایا تے قوم جاگ گئی، اج پاکستان نوں قوم بندیاں ای ویکھ رہیا ہاں ، عمران سارے چوراں دی بندر ونڈ ہو رہی اے، میں سوچیا سی فضل الرحمان کوئی ایجوکیشن دی منسٹری سنبھالن گے، فضل الرحمان نے این ایچ اے دی منسٹری پیسہ بنان لئی سنبھالی، چوراں دی کابینہ بنی اے 60 فیصد ضمانت تے نیں، کسے نے 18 قتل کیتے نیں ، شریف خاندان نے 40 ارب دی چوری دا حساب دینا اے، زرداری نے ایان علی دے فیک اکائونٹس دا حساب دینا اے، سزایافتہ، جھوٹ بول کے نسن والے نے ساری کابینہ نوں لندن بلالیا اے، ایہ سارے عوام دے ٹیکس دے پیسیاں نال لندن جارہے نیں، لندن جا کے مفرور، سزا یافتہ، بزدل نوں ملن گے، بزدل، مفرور توں جا کے ہدایات لین گے ایہ ملک دی توہین اے۔سابق وزیراعظم دا کہنا سی کہ پاکستانیاں نے فیصلہ کرلیا اے امپورٹڈ حکومت نامنظور، 20 مئی دے بعد اسلام آباد دی کال دیاں گا، پہلاں سوچیا سی کہ 20 لکھ لوک اسلام آباد پہنچن گے، تہانوں ویکھ کے لگ رہیا اے کہ ، ہُن اسلام آباد 25 لکھ لوک اپڑن گے، چیری بلاسم کون اے بچیاں نوں وی پتا چل گیا اے، نوازشریف تے اوہدی دھی فوج نوں برا بھلا تے شہبازشریف بوٹ پالش کردا اے، لیگی قائد بزدل جدوں باہر جاندا اے تے فوج نوں برا بھلا کہندا اے، شہبازشریف کہندا اے عمران خان فوج دے خلاف بڑی گلاں کردا اے، کجھ تے شرم کرو، شہبازشریف توں ایں اوہ میر جعفر، میرجعفر اوہ سی جس نے سراج الدولہ نال غداری کیتی فیر انگریزاں نے اوس نے اُتے بٹھایا توں ایں اوہ شہباز شریف میرجعفر، آصف زرداری سندھ آرہیا ہاں، سندھ نوں آصف زرداری توں آزاد کرانا اے۔