تریخ داسب توں وڈا قافلہ لے کے نکلاں گا:عمران خان

پشور(پنجابی میڈیاگروپ)چیئرمین تحریک انصاف عمران خان نے آکھیا اے کہ کل خیبرپختونخوا توں تریخ دا سب توں وڈاقافلہ لے کے نکلاں گا،کوئی روکناچاہے تے روک کے وَکھائے۔پشور وِچ پریس کانفرنس نال خطاب کردیاں ہویاں سابق وزیراعظم عمران خان دا کہنا سی کہ چوراں دے خلاف پُرامن احتجاج کرن جا رہے ہاں،ایہ ساڈاجمہوری حق اے۔کوئی سمجھدا کہ اینہاں مجرماں نوں من لاں گا اوس توں موت بہتر اے۔امریکیاں نوں ایہ پیغام گَھل رہے ہاں کہ ساہنوں پیسے گَھل دیو ورنہ عمران خان واپس آ جائے گا۔عالمی برادری نوں کہناچاہندا اے کہ ڈبل سٹینڈرڈ ختم کرن۔اوہناں نے آکھیا کہ حکومت نے اسلام آباد تے پنڈی بند کر دِتا،ایس دے باوجود کَل پورا اسلام آباد تے پنڈی نکلے گا۔آئی جی اسلام آباد اک مجرم شخص اے،سیف سٹی کرپشن کیس وِچ ایس آئی جی اسلام آباد توں اسیں کَڈن والے سَاں۔پنجاب دی انتظامیہ توں پُچھدا ہاں کہ تُسی حمزہ داحکم کِنج من رہے او،ایہ تے وزیراعلی ہے ہی نہیں۔پنجاب انتظامیہ دے اک اک ذمہ دار دا ناں نوٹ کر رہے ہاں،پنجاب بیوروکریسی غیرقنونی حکم منے گی تے اوہناں دے خلاف ایکشن لیا جائے گا۔عمران خان نے آکھیا کہ ساڈے75وڑھیاں دے ایم پی اے نوں حراست وِچ لیا گیا،اک ریٹائرڈ آرمی آفسر دے گھر دیوار پھلانگ کے ریڈ کیتا گیا،کیہڑااینج دابحران اے کہ رات دے3،3 وجے دیواراں پھلانگیاں جا رہیاں نیں۔شکر کرو جیہڑی مزاحمت ریٹائرڈ آرمی آفسردے گھر توں ہوئی،کِدھرے ہور نَال نہیں ہوئی۔اوہناں نے ہور آکھیا کہ یاسین ملک نوں کسی صورت اَت گرد نہیں آکھیا جا سکدا،کَل اوہناں نوں بھارت وِچ سزا سنائی جا رہی اے،بھارت اینج ہتھکنڈیاں نال حوصلے پست نہیں کر سَکدا۔