عمران نیازی نوں اُوچھے ہتھکنڈیاں دی اجازت نہیں دیاں گے:حمزہ شہباز

لہور(پنجابی میڈیاگروپ)وزیراعلی پنجاب حمزہ شہباز نے آکھیا اے کہ عمران خان نے اداریاں دے خلاف زہراُگلیا،ایہ خونی مارچ دی دھمکیاں توں کس نوں ڈرا رہے نیں۔لہور وِچ میڈیا نَال گَل بات کَردیاں ہوئیاں وزیراعلی پنجاب حمزہ شہباز دا کہنا سی کہ گرفتاریاں کرن بارے فیصلہ مشکل سی،صوبے دی عوام توں معافی منگداہاں تَہانوں نوں مشکلاں آن گیاں،نیازی ٹولہ سب نوں کھلیاں دھمکیاں دے رہیااے،پاکستان دے دشمناں نے کل یاسین ملک نوں سزاسنانی اے،یاسین ملک دی گھر والی وی اوہناں توں اپیل کیتی کہ لانگ مارچ26نوں کرلین۔اوہناں نے ہورآکھیا اے کہ لوکاں نوں دھمکیاں دینا کیہڑی سیاست اے،ایہ خونی مارچ دیاں دھمکیاں توں کس نوں ڈرا رہے نیں،پی ٹی آئی نے2014وِچ رات دی تریکی وِچ ریڈزون اُتے حملہ کیتا،اوہناں نوں شرم نہیں آندی کہ بہن،بیٹیاں دے ناں کِنج لینا اے۔وزیراعلی پنجاب نے آکھیا کہ2مہینے ہوگئے،پتا نہیں گورنر کَدوں آئے گا،کَل آئی ایم ایف نَال مذاکرات ہو رہے نیں،نیازی ٹولے نے لانگ مارچ دااعلان کردتا،اوہناں نے پورے پاکستان وِچ نفرت دی اگ پھیلادتی اے،عمران خان نے اپنے کارکناں وِچ نفرت دا بیج بویا اے،ریاست مدینہ دے جھوٹے دعویداراں نوں شرم آنی چاہیدی اے، سیاسی آدمی ہاں،جیلاں کٹ کے آیا ہاں،انتقام نہیں لواں گا۔