عدلیہ مخالف تقریراں دا الزام، وزیراعظم عمران خان دے خلاف عرضی رد
لہور: ہائی کورٹ نے وزیراعظم عمران خان دے خلاف عدلیہ مخالف تقریراں کرن تے توہین عدالت دی عرضی رد کر دتی۔
لہور ہائی کورٹ دے چیف جسٹس مامون رشید شیخ نے وزیراعظم عمران خان دے خلاف توہین عدالت دی عرضی تے اعتراض ختم کرن تے ایہنوں قابل سماعت قرار دین بارے کیس دی سماعت کیتی۔ عدالت نے رجسٹرار آفس دا اعتراض برقرار رکھدیاں عرضی رد کر دتی۔
واضح رہوے ایڈووکیٹ فیاض نصیر چوہان تے طاہر مقصود بٹ نے لہور ہائی کورٹ وچ درخواست دائر کیتی سی جہدے وچ موقف اختیار کیتا گیا سی وزیراعظم نے 18نومبر 2019ء دی تقریر وچ اعلیٰ عدلیہ نوں متنازعہ بنان دی کوشش کیتی۔
