ملتان وچ ووٹ خریدن دیاں خبراں :الیکشن کمیشن دا تحقیقات کرن دا حکم
اسلام آباد/ملتان(پنجابی میڈیاگروپ)الیکشن کمیشن آف پاکستان نے مسلم لیگ (ن) دے امیدوار ولوں ووٹ خریدن دیاں کوششاں تے صوبائی اسمبلی دے حلقہ پی پی 217 ملتان وچ ضمنی الیکشن لئی متعلقہ اتھارٹی دی اجازت توں بغیر تحریک لبیک پاکستان ولوں کَڈی گئی کار ریلی دی سوشل میڈیا رپورٹ دا نوٹس لے لیا۔ڈان اخبار دی رپورٹ دے مطابق ڈسٹرکٹ مانیٹرنگ افسر حیدر ریاض نے اسسٹنٹ کمشنر تے ہور مانیٹرنگ ٹیم دے ارکاناں نوں ہدایت کیتی اے کہ اوہ اوہناں دیاں رپورٹاں دی فوری تحقیقات کرن جناں وچ آکھیا گیا کہ مسلم لیگ (ن) دے نامزد امیدوار سلمان نعیم ہر 20 ووٹاں دے بدلے 1موٹر سائیکل دی پیشکش کر کے ووٹ خریدن دیاں سرگرمیاں وچ ملوث نیں۔
