گلوبل جینڈر گیپ انڈیکس2022 ،پاکستان کا 146 ممالک میں 145واں نمبر

نیویارک(پنجابی میڈیاگروپ) عالمی صنفی فرق دے انڈیکس 2022 وچ پاکستان 146 ملکاں وچوں145 ویں نمبر اُتے رہیا،10کروڑ 70 لکھ عورتاںدی آبادی والے ملک وچ صنفی فرق56.4 فیصد ریکارڈ کیتا گیا۔ورلڈ اکنامک فورم ولوں عالمی صنفی تفریق دی رپورٹ دے اجرا توں بعد پاکستان ولوں عدم مساوات دی ایہ اُچی ترین سطح اے۔گلوبل جینڈر گیپ رپورٹ’ 2022 دے جاری کردہ ایڈیشن وچ آکھیا گیا اے کہ پاکستان نے اقتصادی شراکت تے معاشی مواقع فراہم کرن سنے3 ذیلی درجیاں وچ نمایاں مثبت بہتری ویکھائی،اگرچہ تنخواہواں دے معاملے وچ مساوات تے برابری معاشی اشاریاں وچ صنفی فرق دا سب توں ودھ اسکور رکھدی اے، تخمینہ شدہ آمدنی وچ وی پیشرفت رپورٹ کیتی گئی اے جس دے مطابق2021 دے مقابلے وچ عورتاں دی آمدنی وچ4 فیصد ودھا ہویا، لیکن 2022 وچ سینئر تے پروفیشنل کیٹیگریز وچ مرد تے عورت ورکراں وچ کمی ویکھی گئی۔حصول تعلیم، خواندگی، ثانوی تے اعلیٰ تعلیم دے اندراج وچ صنفی برابری دے اسکور وچ ودھا ہویا۔گلوبل جینڈر گیپ رپورٹ 2022 دے مطابق پاکستان بلا امتیاز اقتصادی شراکت تے معاشی مواقع فراہم کرن وچ145ویں نمبر اُتے اے۔