جڑواں شہراں وچ تیز بارش پاروں پانی گھراں وچ چلا گیا

اسلام آباد(پنجابی میڈیاگروپ)اسلام آباد تے پنڈی وچ وقفے وقفے نال بارش جاری اے،سڑکاں تالاب بن گیاں،گڈیاں ڈُوب گئیاں،نشیبی علاقے زیرآب آ گئے۔پنڈی اسلام آباد وچ صبح ویلے تیز بارش نال جل تھل ہو گیا،پنڈی دے کئی علاقیاں وچ پانی داخل ہون نال شہریاں نوں مشکلاں دا ساہمنا کرنا پہ رہیا اے،جدکہ نالہ لئی دی سطح وی کئی فٹ اُچی ہو گئی۔دُوجے پاسے ملک بھر وچ مون سون دے دُوجے اسپیل دی کل توں انٹری متوقع اے ۔محکمہ موسمیات دے مطابق کراچی، حیدر آباد، ٹھٹہ تے سندھ دے مختلف علاقیاں وچ بارشاں داامکان اے،کراچی وچ کل توں17جولائی تک تیز بارش ہو سَکدی اے۔