پاکستان تے آئی ایم ایف دے وِچکارمعاہدہ طے

اسلام آباد( پنجابی میڈیاگروپ)پاکستان تے آئی ایم ایف دے درمیان اسٹاف سطع دا معاہدہ طے پا گیا جس دا باضابطہ اعلان چھیتی متوقع اے۔ذرائع وزارت خزانہ دے مطابق معاہدے دا اعلان اج رات وی ہو سَکدا اے،اعلان توں بعد آئی ایم ایف بورڈ وچ منظوری لئی پیش کیتاجائے گا۔آئی ایم ایف بورڈ دی منظوری توں بعد پاکستان نوں آئی ایم ایف توں قرضے دی اگلی قسط موصول ہوئے گی، پاکستان نوں آئی ایم ایف توں اگلیاں 2 قسطاں اک نَال ملن دی توقع اے۔آئی ایم ایف نال پروگرام ٹریک اُتے آن نال عالمی بینک تے ایشیائی ترقیاتی بینک سنے ہور ڈونراں توں وی رُکی ہوئی فنانسنگ ملنا شروع ہو جائے گی۔واضح رہے کہ اک ہفتہ پہلاں وفاقی وزیر برائے پیٹرولیم و توانائی مصدق ملک نے آکھیا سی کہ آئی ایم ایف نال معاملات اک توں ڈیڑھ ہفتے وچ طے ہوجان گے۔