یوم شہدا کشمیر،حریت کانفرنس دی کال اُتے مقبوضہ وادی وچ مکمل ہڑتال
اسلام آباد( پنجابی میڈیاگروپ)پاکستان سَنے پوری دنیا وچ اج یوم شہدائے کشمیر بھرپور طریقے نال منایا جا رہیا اے جس وچ کل جماعتی حریت کانفرنس ولوں1931دے شہیدیاں نوں خراج عقیدت پیش کیتا جائے گا۔یوم شہدا کشمیر دے حوالے نال سرینگر وچ مزار شہدائے نقش بند صاحب وچ وڈا اجتماع ہوئے گا،سال1931وچ ڈوگرا فوج ہتھوں سرینگر سینٹرل جیل دے باہر 22 کشمیری شہید ہوئے سَن۔ہر سال13جولائی نوں پوری دنیا دے کشمیری اینہاں شہیداں دی یاد وچ یوم شہدا کشمیر مناندے نیں جناں نے ڈوگر ولوں گولیاںدا رستہ اپنے سینے نال روکیا لیکن اپنے عزم وچ کوئی کمی نہ آن دتی۔ لیکن بدقسمتی نال بھارتی فوج ہتھوں کشمیریاں نوں شہید کرن دا سلسلہ اج وی جاری اے،اج ہندوستان کشمیر وچ بدترین ریاستی اَت گردی کر رہیا اے۔
