بھارت مقبوضہ جموں و کشمیر وچ اپنی ریاستی اَت گردی فوری روکے،پاکستان

اسلام آباد(پنجابی میڈیاگروپ)پاکستان نے 91ویں یوم شہداء کشمیر اُرتے کشمیریاں نال اظہار یکجہتی کردیاں ہویاں آکھیا اے کہ بھارت دے 5 اگست 2019 دے غیر قنونی تے یکطرفہ اقدامات کشمیری عوام توں اوہناں دی وَکھ شناخت کھون دی اک ہور کوشش سی۔ترجمان دفتر خارجہ نے اپنے بیان وچ آکھیا کہ پاکستان دی حکومت تے عوام نے 91 واں یوم شہدائے کشمیر منایا،اینہاں 22 کشمیری شہیداں نوں خراج عقیدت پیش کردے ہاں جناں نے1931 ڈوگرہ فورسز دا مقابلہ کردیاں ہویاں لازوال قربانیاں دتیاں۔ترجمان دفتر خارجہ نے آکھیاکہ کشمیری اج وی بھارت دے ناجائز قبضے دے خلاف جدوجہد کر رہے نیں۔ترجمان دفتر خارجہ نے آکھیا کہ اج وی 9 لکھ اُتے مشتمل بھارتی قابض فوج جموں و کشمیر اُتے اپنے ناجائز قبضے نوں برقرار رکھن لئی کشمیریاں نوں بدترین فوجی محاصرے وچ یرغمال بنائے ہوئے نیں۔