متنازعہ بیان، انور منصور نے تحریری معافی نامہ سپریم کورٹ وچ جمع کرا دتا
اسلام آباد: سابق اٹارنی جنرل انور منصور نے متنازعہ بیان دے معاملے تے سپریم کورٹ وچ تحریری معافی نامہ جمع کروا دتا۔ انور منصور خان نے تحریری بیان وچ آکھیا اے عدلیہ دا بے حد احترام کرنا آں۔
واضح رہوے کہ سابق اٹارنی جنرل نے سپریم کورٹ وچ اعلیٰ عدلیہ بارے نامناسب الزامات لاگو کیتے سن جہناں توں حکومت نے فوری طور تے لاتعلقی دا اظہار کیتا سی جد کہ وفاقی وزیر قنون فروغ نسیم نے انور منصور دے الزامات نوں رد کر دتا سی۔
وفاقی حکومت ولوں استعفیٰ طلب کیتے جان تے انور منصور نے پچھلے دیہاڑ صدر مملکت عارف علوی نوں اپنا استعفیٰ گھل دتا سی۔
