معاشی تباہی ثابت کر رہی کہ شریفاں نوں ملک چلان دا کوئی تجربہ نہیں:عمران خان

اسلام آباد(پنجابی میڈیاگروپ)پاکستان تحریک انصاف(پی ٹی آئی)دے چیئرمین تے سابق وزیراعظم عمران خان نے حکومت اُتے تنقید کردیاں ہویاں آکھیا اے کہ معاشی تباہی ثابت کر رہی اے کہ شریفاں نوں ملک چلان دا کوئی تجربہ نہیں۔سماجی رابطے دی ویب سائٹ ٹوئٹر اُتے پیغام جاری کردیاں ہویاں عمران خان نے لکھیا کہ قوم تبدیلی سرکار دی سازش تے پاکستان نوں ایس افسوسناک صورتحال دا شکار کرندے سارے ذمہ داراں دا احتساب کرے گی۔اک ہور ٹوئٹ وچ سابق وزیراعظم نے لکھیا کہ جد تبدیلی سرکار دے نتیجے وچ عدم اعتماد آئی تے ڈالر178 روپے اُتے سی،آئی ایم ایف معاہدے دے باوجود ایہ منہ دے بل ڈگیا ہویا اج224اُتے اپڑچکیا اے، معاشی تباہی ثابت کر رہی اے کہ شریفاں وچ معیشت یا حکومت چلان دا کوئی تجربہ نہیں، اوہناں دی واحد مہارت لُٹ مار، منی لانڈرنگ تے این آر او لین وچ اے۔