جماعت اسلامی دا مہنگائی دے خلاف کراچی توں چترال تک تحریک چلان دا اعلان

اسلام آباد: امیر جماعت اسلامی سینیٹر سراج الحق آکھیا اے اسیں ہر تھاں عوام دے حقوق دی لڑائی لڑن لئی میدان وچ اتر رہے آں۔ جماعت اسلامی کراچی توں چترال تک تحریک چلاوے گی۔ اسلام آباد وچ جماعت اسلامی دے دوجے رہنماواں دے نال پریس کانفرنس کردیاں سراج الحق آکھیا عوام رو رہی اے پرکوئی وی اوہناں دی فریاد سنن نوں تیار نہیں، سرکار کسے مشکل نال دوچار نہیں اے تے فیر مہنگائی کیوں اے؟ عوام دی مشکلاں ویکھ کے ہن ساڈا صبر ختم ہو گیا اے۔ سراج الحق آکھیا 18مہینے وچ سرکار دا سفر ورلڈ بینک تے آئی ایم ایف ول اے۔ ریٹنگ ایجنسیاں ملکی معیشت دے حوالے نال جھوٹھ بولدیاں نیں۔