چین دے صدر شی جن پنگ دا جلد پاکستان دا دورہ متوقع
اسلام آباد: چینی صدر شی جن پنگ دا جلد ای پاکستان دا دورہ متوقع اے۔ مشیر خزانہ تے چینی سفیر یاؤژنگ وچکار ملاقات وچ دورے دی تیاریاں تے گل بات ہوئی۔ وسیلیاں دے مطابق مشیر خزانہ ڈاکٹر عبدالحفیظ شیخ نال چین دے سفیر یاؤ ژنگ نے اہم ملاقات کیتی اے جہدے وچ چینی صدر دے دورہ پاکستان دے انتظامات بارے گل بات کیتی گئی۔
عبدالحفیظ شیخ دا چینی سفیر نال گل کردیاں کہنا سی پاکستانی حکومت صدر شی جن پنگ دا پرتپاک خیر مقدم کرے گی۔ اوہناں نے فنانشل ایکشن ٹاسک فورس (ایف اے ٹی ایف) دے اجلاس وچ چین دے بھرپور تعاون تے شکریہ وی ادا کیتا تے آس ظاہر کیتی کہ چین کرونا وائرس نوں قابو کرن وچ کامیاب ہو جاوے گا۔
