احساس آمدن پروگرام دے اجرا دا مقصد غریباں دی آمدن ودھانا اے: ثانیہ نشتر
لیہ: چیئرپرسن احساس پروگرام ڈاکٹر ثانیہ نشتر آکھیا اے احساس آمدن پروگرام دے اجرا دا مقصد غریباں دی آمدن ودھانا اے۔ ایہ پروگرام لوکاں دی مالی مشکلات دے خاتمے وچ معاون ثابت ہووے گا۔
لیہ وچ احساس اثاثہ جات منتقلی پروگرام دی تقریب نال خطاب وچ ثانیہ نشتر دا کہنا سی 60ہزار روپے لاگت دے ایہ اثاثے مفت دتے جا رہے نیں۔ ایہ قرضہ نہیں، 60فیصد اثاثہ جات خواتین لئی مختص نیں۔ اوہناں آکھیا احساس پروگرام لئی 15ارب روپے مختص کیتے گئے نیں۔
23ضلعیاں دی 735پسماندہ ترین یونین کونسلاں وچ آغاز ہو چکیا اے۔ 2
لکھ خاندان مستفید ہون گے تے 14لکھ توں ودھ لوکاں دی زندگی تے اثر پوے گا، ایہنوں ہور وسعت دیواں گے۔ ثانیہ نشتر دا کہنا سی اوسط آمدن، صحت، تعلیم تے خوراک دے اہداف نوں مدنظر رکھ کے ضلعیاں دی درجہ بندی کیتی گئی۔ اجہی دیہی یونین کونسلاں دا انتخاب کیتا گیا جتھے پہلاں کوئی سرکاری پروگرام نہیں چل رہیا۔
اوہناں دا کہنا سی وزیراعظم دی ہدایت تے پسماندہ طبقہ لئی ہور چار پروگرام جلد شروع کیتے جان گے۔ میرٹ تے شفافیت دے راہیں احساس پروگرام نوں اگے ودھایا جا رہیا اے۔
