اسلام آباد ہائیکورٹ، سوشل میڈیا رولز 2020فوری معطل کرن دی عرضی رد

اسلام آباد: اسلام آباد ہائی کورٹ نے سوشل میڈیا رولز 2020فوری معطل کرن دی عرضی رد کر دتی، وزارت آئی ٹی سنے دوجے فریقین نوں نوٹس جاری کردیاں جواب طلب کر لیا۔

اسلام آباد ہائی کورٹ دے چیف جسٹس اطہر من اللہ نے کیس دی سنوائی کیتی، وکیل جہانگیر خان جدون نے درخواست کیتی کہ حکومت نوں نوٹس کرکے پچھ لیا جاوے کہ رولز دا کیہ اسٹیٹس اے، اوہناں آکھیا سوشل میڈیا رولز 2020تے عملدرآمد لئی نیشنل کوآرڈنیٹر تعینات کیتا جا رہیا اے جہنوں اختیارات اتھارٹی توں وی ودھ دتے گئے نیں، کوآرڈنیٹر کیویں تعینات ہووے گا، اوہدی تعلیم کیہ ہووے گی، کجھ پتہ نہیں، سوشل میڈیا رولز آئین نال متصادم نیں۔

عدالت نے مذکورہ کیس نوں پہلاں توں زیر سماعت میڈیا کیس دے نال مقرر کرن دی ہدایت کردیاں سوشل میڈیا رولز 2020فوری معطل کرن دی استدعا رد کر دتی تے رولز معطل کرن دی متفرق درخواست تے وی فریقین نوں نوٹس جاری کر دتا۔