خواجہ برادران ضمانت کیس، سپریم کورٹ نے نیب نوں نوٹس جاری کر دتا

اسلام آباد: سپریم کورٹ وچ خواجہ سعد رفیق تے خواجہ سلمان رفیق ضمانت کیس وچ عدالت نے ضمانت دے معاملے تے نیب نوں نوٹس جاری کر دتا۔ سپریم کورٹ وچ خواجہ سعد رفیق تے خواجہ سلمان رفیق ضمانت کیس دی سنوائی جسٹس مقبول باقر دی سربراہی وچ تن رکنی بنچ نے کیتی۔

وکیل اشتر اوصاف نے موقف اختیار کیتا ٹرائل کورٹ وچ ریفرنس دی سماعت جاری اے، عدالت ٹرائل کورٹ توں رپورٹ وی طلب کرے، 122گواہواں وچوں صرف 5گواہواں دی گواہیاں ریکارڈ ہوئیاں نیں۔ عدالت نے احتساب عدالت توں ریفرنس رپورٹ طلب کردیاں کیس دی ہور سنوائی 10مارچ تک ملتوی کر دتی۔