انور منصور بارے اصولی موقف تے قائم، صرف لفظاں دے چناؤ تے معذرت کیتی: فروغ نسیم

اسلام آباد: وزیر قنون فروغ نسیم آکھیا اے انور منصور توں اصولی موقف دے معاملے تے معافی نہیں منگی، صرف لفظاں دے چناؤ تے انور منصور توں معذرت کیتی اے، جسٹس قاضی فائز عیسیٰ کیس وچ نجی وکیل دی خدمات لین تے کم شروع کر دتا اے۔

ایس توں پہلاں وفاقی وزیر قنون نے سپریم کورٹ دے احاطے وچ صحافیاں نال گل کردیاں آکھیا سی خالد جاوید نال بھراواں والا تعلق اے، اوہناں تے اعتراض کرن والے دی اہلیت تے سوالیہ نشان اے، میرے پیو دی وی خالد جاوید دے پیو دے نال پرانی راہ و رسم اے۔

اوہناں دی تعیناتی تے نہ کوئی تحفظات نیں نہ ای کوئی اعتراض اے۔ وزیر قنون فروغ نسیم بارے ایہ بیان وی ساہمنے آیا سی کہ اوہ انور منصور بارے بیان تے معافی منگنے آں، ہن اوہناں نے جہڑا تازہ بیان دتا اے اوہدے مطابق فروغ نسیم نے اٹارنی جنرل توں معافی نہیں منگی۔ اپنے اصولی موقف تے قائم نیں، صرف لفظاں دے چناؤ تے معذرت کیتی اے۔