اسحاق ڈار آمدن توں ودھ اثاثے ریفرنس، شریک ملزم سعید احمد نوں عدالتی ریلیف مل گیا

اسلام آباد: احتساب عدالت وچ اسحاق ڈار اسحاق ڈار آمدن توں ودھ اثاثہ جات ریفرنس دی سماعت دے دوران شریک ملزم سعید احمد خان نوں عدالتی ریلیف مل گیا۔ احتساب عدالت وچ اسحاق ڈار آمدن توں ودھ اثاثہ جات ریفرنس دی سماعت دے دوران نیب دے تفتیشی افسر نادر عباس عدالت وچ پیش ہوئے۔

ملزم سعید احمد خان دی عدالتی حاضری توں مستقل چھوٹ دی درخواست دائر کیتی گئی جہدے وچ موقف اختیار کیتا گیا کہ سعید احمد خان نوں کئی امراض دا ساہمنا اے۔ عدالت نے سابق صدر نیشنل بینک سعید احمد خان نوں مستقل چھوٹ دین دی عرضی منظور کر لئی پر نیب تفتیشی افسر دے بیان تے جرح مکمل نہ ہو سکی، احتساب عدالت نے کیس دی ہور سماعت 4مارچ تک ملتوی کر دتی۔