سرکار اداریاں نوں یرغمال بنا کے مخالفاں نوں نشانہ بنا رہی اے: رانا ثنائ

لہور: ن لیگی رہنما رانا ثناء آکھیا اے سرکار اداریاں نوں یرغمال بنا کے مخالفاں نوں نشانہ بنا رہی اے، نیب تے ایف آئی اے نوں مخالفاں دے خلاف استعمال کیتا جا رہیا۔ شہباز شریف مارچ وچ پاکستان آن گے۔ رانا ثناء دا کہنا سی 6مہینے بعد بقول چودھری شجاعت کوئی وزیراعظم بنن نوں تیار نہیں ہووے گا۔

پیپلزپارٹی تے مولانا فضل الرحمان نے احتجاج دا اعلان کر دتا اے، موجودہ صورتحال وچ نہیں چاہندے کہ کوئی ڈیڑھ اِٹ دی مسیت بنائی جاوے، اوہناں آکھیا عمران خان جہڑی حالت وچ تقریر کردے نیں، اوہناں نوں چار دا بارہ نظر آندا اے، ان ہاؤس تبدیلی دا فیصلی پارلیمانی پارتی کرے گی، عبوری حکومت قبول نہیں کراں گے۔