وزیراعظم دے معاون خصوصی افتخار درانی دا استعفیٰ منظور کر لیا گیا
اسلام آباد: وزیراعظم دے معاون خصوصی افتخار درانی اپنے عہدے توں مستعفی ہو گئے، وزیراعظم عمران خان نے استعفیٰ منظور کر لیا۔ افتخار درانی دا شمار وزیراعظم دے قریبی ساتھیاں وچ ہوندا اے، افتخار درانی نے پانامہ کیس، فاٹا الیکشن وچ پارٹی ولوں بھرپور کردار ادا کیتا، افتخار درانی نے عام انتخابات وچ وی پارٹی لئی بھرپور خدمات سرانجام دتیاں۔
افتخار درانی خیبر پختونخوا دے معاملے وچ وی وزیراعظم دی ہدایات تے اہم کردار ادا کردے رہے۔ تحریک انصاف دے سینئر رہنما افتخار درانی دا کہنا اے عمران خان دی قیادت تے پورا اعتماد اے، پارٹی لئی ہمیشہ خدمات سرانجام دیندا رہواں گا۔
