27فروری پاک فضائیہ تے پاکستانی تریخ دا روشن باب اے: ترجمان پی اے ایف

راولپنڈی: ترجمان پاک فضائیہ دا کہنا اے 27فروری دا دیہاڑ پاک فضائیہ تے پاکستان دی تریخ وچ اک درخشاں باب وانگوں اے۔ ترجمان پاک فضائیہ دا کہنا اے 27فروری 2019ء نوں پاک فضائیہ نے دن دی روشنی وچ دشمن تے کامیاب جوابی حملہ کیتا، ایس حملے وچ پاک فضائی دے شاہیناں نے دشمن دے دو لڑاکا طیاریاں نوں وی تباہ کیتا۔واضح رہوے 27فروری 2019نوں پاک فضائیہ نے بھارتی طیارہ ڈیگیا سی جد کہ پائلٹ ابھی نندن نوں گرفتار کیتا گیا۔

ترجمان پی اے ایف دا کہنا سی ایس دن نوں شایان شان طریقے نال منان لئی سی ویو کراچی وچ شاندار ایئر شو منعقد ہو رہیا اے، ایئر شو وچ پاک فضائیہ دے جے ایف تھنڈر تے ایف 16طیارے فضائی کرتب وکھان گے۔ترجمان دا ہور کہنا سی پاک فضائیہ دی شہرہ آفاق ایئروبیٹکس ٹیم شیر دل وی لہو گرمان والے کرتب وکھان آ رہی اے، فضائیہ دے شعبہ تعلقات عامہ نے ایس حوالے نال اک پرومو جاری کردتا۔