پاک بحریہ دے دو ریئر ایڈمرل دی وائس ایڈمرل دے عہدے تے ترقی
پاک بحریہ دے ریئر ایڈمرل فیصل رسول لودھی تے ریئر ایڈمرل زاہد الیاس نوں وائس ایڈمرل دے عہدے تے ترقی دے دتی گئی۔ ترجمان پاک بحریہ دے مطابق ترقی پان والے دوواں افسران کمانڈ اینڈ سٹاف تعیناتیاں دا وسیع تجربہ رکھدے نیں۔
ترجمان دے مطابق وائس ایڈمرل فیصل رسول نے 1986وچ پاک بحریہ دی آپریشنز برانچ وچ کمیشن حاصل کیتا جد کہ زاہد الیاس نے 1988وچ پاک بحریہ دی آپریشنز برانچ وچ کمیشن حاصل کیتا۔ ترجمان نے دسیا وائس ایڈمرل فیصل رسول لودھی کمانڈر کوسٹ تے وائس ایڈمرل زاہد الیاس کمانڈر کراچی دے فرائض انجام دے رہے نیں تے دوواں افسراں نوں اوہناں دی خدمات دے اعتراف وچ اعلیٰ ملٹری اعزازات نال وی نوازیا جا چکیا اے۔
