مقبوضہ کشمیر دے بعد 20کروڑ بھارتی مسلمان نشانے اُتے، عالمی برادری نوٹس لوے: وزیراعظم

اسلام آباد: وزیراعظم عمران خان آکھیا اے اج بھارت وچ آر ایس ایس نظریہ غلبہ اختیار کر چکیا اے، اک ارب توں ودھ آبادی تے مشتمل جوہری قوت تے نازی متاثرہ آر ایس ایس دا قبضہ اے، بھارتی حکومت مقبوضہ کشمیر دے بعد بھارتی مسلماناں نوں نشانہ بنا رہی اے، عالمی برادری نوٹس لوے۔

عمران خان دا کہنا سی اقوام متحدہ جنرل اسمبلی وچ آکھیا سی انتہا پسندی دا ایہ جن بوتل توں باہر آیا تے بدترین خونریزی ہووے گی۔ مقبوضہ کشمیر شروعات سی، ہن 20کروڑ بھارتی مسلماناں نوں ظلم دا نشانہ بنایا جا رہیا اے۔

وزیراعظم عمران خان نے پاکستانیاں توں اپیل کیتی کہ کسے غیر مسلم یاں اوہناں دی عبادت گاہواں نوں نشانہ نہ بنایا جاوے، ساڈی اقلیتاں پاکستان وچ برابر دے شہری نیں۔