سرحدی اشتعال انگیزی تے سینئر بھارتی سفارتکار دفتر خارجہ طلب، شدید احتجاج

اسلام آباد: پاکستان نے ایل او سی تے بھارتی اشتعال انگیزی تے سینئر بھارتی سفارتکار نوں دفتر خارجہ طلب کر کے سیز فائر معاہدے دی خلاف ورزی تے بھرپور احتجاج کیتا۔ دفتر خارجہ دی ترجمان عائشہ فاروقی دا کہنا اے ایس ورھے بھارت نے 384واری سیز فائر معاہدے دی خلاف ورزی کیتی، بھارتی فوج بھاری اسلحہ استعمال کرکے معصوم شہریاں نوں نشانہ بنا رہی اے۔

بھارتی گولہ باری نال نیزہ پیر سیکٹر وچ 40سالہ شہری بشیر شدید زخمی ہویا۔ ترجمان نے دسیا ایل او سی تے بھارتی اشتعال انگیزی تے سینئر بھارتی سفارتکار نوں دفتر خارجہ طلب کیتا گیا تے عالمی قوانین دی پاسداری دا مطالبہ کردیاں بھارت نوں یاد دوایا گیا کہ 2003دے جنگ بندی معاہدے تے عملدرآمد یقینی بناوے۔