وزیراعظم عمران خان نے کاٹن پالیسی دی منظوری دے د تی
اسلام آباد: وزیراعظم عمران خان نے کاٹن پالیسی دی منظوری دے دتی، پالیسی دے تحت پاکستان سینٹرل کاٹن کمیٹی دی نویں سرے توں تنظیم نو دا فیصلہ کیتا گیا اے۔
وزیراعظم عمران خان دی زیر صدارت زراعت دے حوالے نال اہم اجلاس ہویا جہدے وچ وفاقی وزیراں تے ٹیکسٹائل سیکٹر نال تعلق رکھن والے ماہرین نے رلت کیتی۔ جہانگیر ترین نے وزیراعظم عمران خان تے وفاقی وزیراں نوں کپاہ تے نویں لانگ ٹرم پالیسی تے تفصیلی بریفنگ دتی۔
وزیراعظم نے اراکین توں صلاح لین دے بعد متفقہ طور تے کاٹن پالیسی دی منظوری دے دتی۔ پالیسی دی تشکیل لئی جہانگیر ترین نے کپاہ دے بین الاقوامی ماہر ڈاکٹر نیل فاریسٹر دی خدمات وی حاصل کیتیاں۔ بریفنگ وچ دسیا گیا کپاہ دا موجودہ بحران 20ورھے دی نااہلی تے عدم توجہی دا نتیجہ اے۔
