ایڈمرل ظفر محمود دا کریکس ایریا وچ اگلے مورچیاں دا دورہ، آپریشنل تیاریاں دا جائزہ
کراچی: چیف آف نیول سٹاف ایڈمرل ظفر محمود عباسی نے حالیہ بحری مشق سی سپارک 2020دے دوران کمانڈ سینٹر تے کریکس ایریا دے اگلے مورچیاں دا دورہ کیتا تے آپریشنل تیاریاں دا جائزہ لیا۔کمانڈ سنٹر کمانڈر کراچی ایڈمرل زاہد الیاس نے چیف آف نیول سٹاف دا استقبال کیتا تے اوہناں نوں مشق دے آپریشنل منصوبیاں تے تفصیلی بریفنگ دتی گئی۔
بعدوں کریکس ایریا آمد تے کمانڈر کوسٹ وائس ایڈمرل فیصل رسول لودھی نے چیف آف نیول سٹاف دا استقبال کیتا۔ نیول چیف نوں مشق سی سپارک 2020دے دوران کریکس دے علاقے وچ آپریشنل سرگرمیاں تے اثاثیاں دی تعیناتی دے حوالے نال بریفنگ دتی گئی۔
