ٹرمپ نے عمران خان نال وعدے دے مطابق مودی نال کشمیر دی گل کیتی: شاہ محمود
اسلام آباد: شاہ محمود قریشی آکھیا اے ٹرمپ نے عمران خان نال وعدے دے مطابق مودی نال کشمیر دی گل کیتی، بھارتی میڈیا نے امریکی صدر دی پریس کانفرنس نوں اپنے مقاصد وچ استعمال کرن دی کوشش کیتی۔ وزیر خارجہ شاہ محمود قریشی نے اپنے بیان وچ آکھیا اے اک عرصے توں کہہ رہے آں بھارت وچ مسلمان عدم تحفظ دا شکار نیں، دو دن وچ دہلی وچ 10توں ودھ موتاں، مسلماناں دی املاک نذر آتش کر دتیاں، دنیا نوں ایس صورتحال دا فوری نوٹس لینا چاہیدا اے۔
شاہ محمود دا کہنا سی صدر ٹرمپ نے واضح آکھیا عمران خان اوہناں دے دوست نیں، امریکی صدر نے آکھیا پاکستان نے بہترین حکمت عملی نال دہشت گردی نوں شکست دتی، صدر ٹرمپ نے وزیراعظم عمران خان دے نال کیتے وعدے دے مطابق کشمیر بارے گل کیتی، اوہناں نے مقبوضہ کشمیر دی تشویشناک صورتحال، ایہدے تے عالمی ردعمل نوں پیش نظر رکھیا، صدر ٹرمپ ولوں اک واری فیر ثالثی دی پیشکش، بھارتی بیانیے دی نفی اے۔
