ضمانت وچ وادھے دا معاملہ، پنجاب دا نوازشریف دے خلاف کاروائی لئی وفاق نوں خط
لہور: نوازشریف دی ضمانت وچ وادھے دے معاملے تے پنجاب حکومت نے نوازشریف دے خلاف کاروائی لئی وفاق نوں خط لکھ دتا۔ صوبائی وزیر قنون راجہ بشارت آکھیا اے نوازشریف دے خلاف متعلقہ عدالت تے ٹرائل کورٹ وچ وفاق جاوے گا، وفاق نوں مراسلہ گھل دتا، کاروائی لئی اوہ اقدام کرن گے۔
یاد رہوے پچھلے دیہاڑ پنجاب کابینہ نے نوازشریف دی ضمانت وچ وادھے لئی درخواست رد کیتی سی۔ حکومت نے اکھیا ضمانت وچ وادھے دی عرضی رد ہون دے بعد نوازشریف مفرور ڈکلیئر ہو چکے نیں اوہ واپس نہ آئے تے اوہناں نوں اشتہاری قرار دتا جاوے گا۔
