مریم اورنگزیب دی عمران خان اُتے حملے دی شدید مذمت

لہور( پنجابی میڈیا گروپ)وفاقی وزیر اطلاعات مریم اورنگزیب نے پی ٹی آئی چیئرمین عمران خان اُتے تنقید کردیاں ہویاں اکھیا اے کہ سیاسی میدان خونی میدان نہیں بننے چاہیدے۔اپنے اک بیان وچ وفاقی وزیر اطلاعات دا کہنا سی کہ عمران خان دے لانگ مارچ وچ فائرنگ دے واقعہ دی مذمت کردی ہاں، قائمہ کمیٹی دے چیئرمین سینیٹر فیصل جاوید دی فوٹیج ویکھی،اوہ زخمی ہوئے، واقعہ نوں سیاسی رنگ دین دی کوشش نہ کیتی جائے،ایہ افسوسناک واقعہ اے،ایس دی جنی مذمت کیتی جائے گھٹ اے،واقعہ دی تحقیقات ہونی چاہیدی، پنجاب پلس،انتظامیہ،انٹیلی جنس تحقیقات کرکے حقائق عوام دے ساہمنے لیائے۔اوہناں نے آکھیا کہ ایہ واقعہ پنجاب حکومت دی حدودوچ ہویا اے،وزیراعظم نے ابتدائی رپورٹ منگ لئی اے،قیاس آرائیاں نہیں ہونیاں چاہیدیاں،ایہ حساس معاملہ اے،ایس قسم دے واقعات اُتے قیاس آرائیاں نال ہور اشتعال پیداہو سکدا اے،میڈیا نوں ذمہ داری دا مظاہرہ کرنا چاہیدا اے،پنجاب پلس تے پنجاب حکومت ولوں جیہڑے حقائق سامنے آئے،اوہناںنوں نشر کیتاجائے۔