عمران خان نے ساریاں جمہوری قوتاں نوں لانگ مارچ وچ رَلت دی دعوت دتی اے‘شاہ محمودقریشی

لہور(پنجابی میڈیا)پاکستان تحریک انصاف دے وائس چیئرمین شاہ محمود قریشی نے آکھیا اے کہ عمران خان نے ساریاں جمہوری قوتاں نوں لانگ مارچ وچ رَلت دی دعوت دتی اے۔ایہہ گلاںاوہناں نے ترجمان وزیر اعلیٰ وپنجاب حکومت مسرت جمشید دے ہمراہ غیر ملکی میڈیا نمائندیاںنال ملاقات وچ گل بات کردیاں ہویاںکیتیاں۔شاہ محمود قریشی نے آکھیا کہ موجودہ ملکی صورتحال اُتے چیئرمین عمران خان تے پارٹی پالیسی بوہت واضح تے غیر مبہم اے۔ملزمان نامزد کرنا مدعی داحق ،کوئی وی بنیادی حقوق توں محروم نہیں کرسکدا۔